سمینارەك ل دۆر باوەرناما (LEED) هاتە پێشکێشکرن

Published Date: Saturday, 8 March 2025, 06:18

ڕۆژا پێنجشەمبی ڕێککەفتی (٦ـی ئادارا ٢٠٢٥) ب ئامادەبوونا ڕێزداران (پ.ھ.د جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و (پ.ھ.د محمد حسن خمو) هاریکارێ سەرۆکێ زانکۆیێ بۆ کاروبارێن کارگێری و دارایی و (پ.ھ.د. رمضان جعفر مصطفی) هاریکارێ سەرۆکێ زانکۆیێ بۆ کاروبارێن قوتابیان و لگەلدا ڕێزدار (پ.ھ.د. فرست حیتو) ڕاگرێ کۆلێژا ئەندازیاری سمینارەک ل دۆر باوەرناما (LEED) هاتە پێشکێشکرن.
خانما هێژا (د. بهار ئارماخانی) مامۆستا و شارەزایا گەشەپێدانا بەردەوام ژ زانکۆیا فلوریدا ل ویلایەتێن ئێکگرتیێن ئەمریکا سەرەدانا زانکۆیا زاخۆ کر، ژ بۆ پێشکێشکرنا سمینارەکێ ل دۆر بابەتێ؛ (پێشەنگی د دیزانکرنا وزە و ژینگەهێ دا - LEED)، هەروەسا گەنگەشە لسەر ڕێکار و چەوانیا ب دەستڤەئینانا باوەرناما (LEED)  بۆ ئاڤاهی و کۆمپانیێن هەرێما کوردستانێ ژ ویلایەتێن ئێکگرتیێن ئەمریکا و هەماهەنگیا دناڤبەرا زانکۆیا زاخۆ و زانکۆیا فلوریدا هاتە کرن، ژ بۆ مەرەما باشترکرنا کەرتێ ئاڤەدانێ ل گۆرەی پیڤەر و ستاندەردێن ئەڤێ باوەرنامێ.

ژ هەژی گوتنێ یە؛ هەبوونا خۆل و سمیناران لسەر بابەتێ باوەرنامەیا (LEED) کاریگەری و مفایێن ئەرێنی بۆ ئەندازیار و ئەکادیمی و پسپۆرێن کەرتێ ئاڤەدانێ هەیە، بۆ پێشڤەبرنا پیڤەرێن ئاڤاکرنا ئاڤاهی و ڕێك و پراندا هەم ل سیستەمێ خواندنێ ل زانکۆیان، هەم ل ڕێڤەبەری و سازیێن باژێراندا، ژبەر ڤێ چەندێ کار لسەر دارێژتنا پلانا هەماهەنگیێ دناڤبەرا زانکۆیا زاخۆ و زانکۆیا فلوریدا دهێتە کرن بۆ ڕاهێنان پێکرنا هندەك مامۆستایێن زانکۆیا زاخۆ ژ کۆلیژا ئەندازیاری و ئەندازیارێن ئیدارەیا سەربەخۆیا زاخۆ.